Partner

Oriel Gelf Glynn Vivian: Canolfan ragoriaeth ar gyfer y celfyddydau gweledol yn Abertawe.

Mae Oriel Gelf Glynn Vivian Abertawe yn chwarae rhan hanfodol mewn cymdeithas leol ac fel rhan o'r ecosystem greadigol ar draws Cymru. Drwy arddangosfeydd, prosiectau cydweithredol, ymgysylltu cymdeithasol, dysgu, ymestyn ac addysg mae’r Oriel yn gweithio gyda chynulleidfaoedd a chymunedau lleol. Mae ei rhaglenni'n canolbwyntio ar ragoriaeth, cydraddoldeb, iechyd a lles, gan gefnogi artistiaid a'r mwyaf diamddiffyn yn ein cymdeithas. Mae’r Oriel yn cefnogi artistiaid lleol drwy arddangosfeydd, gwobrau, caffaeliadau a chyflogaeth, yn ogystal â dod â rhai o artistiaid mwyaf blaenllaw'r byd i Gymru. Mae’n cyflwyno arddangosfeydd mawr a chomisiynau newydd, gan weithio gyda llawer o sefydliadau lleol, cenedlaethol a rhyngwladol. Mae ei chasgliad o weithiau celf a chrochenwaith yn eiddo i bobl Abertawe ac yn ffurfio rhan bwysig o gof diwylliannol y ddinas. Mae Oriel Gelf Glynn Vivian yn sefydliad Portffolio Celfyddydau Cyngor Celfyddydau Cymru ac yn rhan o Plus Tate a Grŵp Celfyddydau Gweledol Cymru.