Wedi'i ysgrifennu ar gefn y gwaith yma mae: "Mae ffotograffau personol yn mynd â ni i fydoedd a gofodau na fyddem fel arfer yn gallu eu gweld. Maen nhw'n mynd â ni i le emosiynol sy'n breifat i ddangos rhywbeth personol i ni am y bobl sydd ynddyn nhw. Yn Saudi Arabia, mae'n anarferol iawn i ddieithriaid gael caniatâd i fynd i gartrefi Saudi o gwbl, felly roeddwn i'n lwcus iawn i allu gweld y bydoedd preifat hyn. Roedd tynnu lluniau ohonynt yn rhywbeth sensitif iawn: dydyn nhw ddim am i bobl weld eu gofod personol, ac mae'r menywod, yn arbennig, yn breifat iawn. Eto i gyd, roedd y menywod y gwnes i eu cyfarfod eisiau i'r byd y tu allan weld sut maen nhw'n byw, i wybod nad yw eu realiti mor wahanol i weddill y byd ag y gallai rhywun feddwl. Her baradocsaidd i mi oedd dod o hyd i ffyrdd o ddangos y golygfeydd hyn tra’n diogelu hunaniaeth a phreifatrwydd y menywod, i fod yn agos atoch ac eto i beidio â datgelu eu hwynebau yn llawn." — Olivia Arthur