Ganed Richard Eurich yn Bradford ym 1903 ac fe hyfforddodd yn Ysgol y Celfyddydau a Chrefft Bradford ac yn Ysgol Celf Gain Slade Coleg Prifysgol Llundain. Roedd yn Artist Rhyfel Swyddogol gyda’r Llynges Frenhinol rhwng 1941 a 1945, a bu’n addysgu yng Ngholeg Celf Camberwell rhwng 1949 a 1967. Fel dyn ifanc, cafodd ei ddylanwadu gan Wyndham Lewis, Lewis Rothenstein, a gan Swrrealaeth. Yn gyfaill i Edward Wadsworth, bu’n paentio mewn priod-ddull ffigurol modern yn ystod y 1930au. Roedd ei waith yn ystod y rhyfel yn adnabyddus iawn, ac fe ddaeth i gael enw da, oedd bron yn gyfartal â Stanley Spencer a Paul Nash, ond ar ôl y Rhyfel, ac yntau heb gysylltiad ag unrhyw grŵp neu fudiad, fe’i ystyriwyd yn gynyddol fel rhywun ar y tu allan i brif ffrwd celf flaengar. Bu’n byw ger Southampton am lawer o’i fywyd. Roedd yn paentio pentrefi pysgota a thraethau, a bu’n paentio tirluniau’r Penwynion drwy ei fywyd, a gweithiodd yn achlysurol yng Nghymru. Mae’r olygfa hon o lechwedd gwag yn codi i lenwi llawer o’r awyr, yn dwyllodrus o syml, gan ennyn ymdeimlad o le.