Mae’r gwaith celf hwn yn dangos y gêm brawf gyntaf erioed rhwng timau rygbi Cymru a Seland Newydd ar 16 Rhagfyr 1905. Cafodd y gêm ei chwarae ar Barc yr Arfau, Caerdydd o flaen torf o 40,000 wedi’i dyfarnu gan yr Albanwr, John Dallas. Yn y gwaith celf hwn, mae asgellwr Cymru, Teddy Morgan, yn plymio ar draws y llinell gais gan roi Cymru ar y blaen i’r Crysau Duon cyn hanner amser. Enillodd Cymru’r gêm 3-0. Mae’r gêm hon yn arwyddocaol nid yn unig oherwydd y sgôr ond hefyd oherwydd bod tîm a chefnogwyr Cymru, dan arweiniad yr asgellwr Teddy Morgan, wedi canu’r anthem genedlaethol, Hen Wlad fy Nhadau, mewn ymateb i glywed her Haka Seland Newydd. Hwn oedd y tro cyntaf i anthem genedlaethol gael ei chanu cyn gêm chwaraeon.