Mae'n fore ffres ar y traeth yn Llangrannog. Fe welwn ni donnau penwyn y môr garw yn torri ar y lan. Ond mae pobl yn dal allan yn mwynhau, yn padlo yn y dŵr a throchi'u traed yn y pyllau. Paentiwyd y llun hwn tua 1917 gan yr artist Christopher Williams. Cafodd ei eni ym Maesteg a dod yn un o artistiaid enwocaf Cymru yn y cyfnod. Roedd yn caru arfordir Cymru, ac fe baentiodd olygfeydd droeon ar ei deithiau rhwng Llangrannog a Phenrhyn Llŷn.