Ym 1890 prynodd Monet dŷ yn Giverny i'r gogledd-orllewin o Baris, a bu'n byw yno weddill ei oes. Ym 1893 prynodd bwll mawr gerllaw a'i droi yn ardd ddŵr. O 1899 cai ei swyno gan y pwll, y bont drosto a'r lili ddŵr (nymphéas) yn nofio ar ei wyneb. Rhwng 1903 a 1908 peintiodd Monet ail gyfres o beintiadau o'r ardd ddŵr. Hwn yw'r cynharaf a'r mwyaf disgrifiadol o'r tri darlun o'r lili ddŵr a brynwyd gan Gwendoline Davies ym Mharis ym 1913.