Cynfas

Toredig Ond Prydferth

Apekshit Sharma, Intern Curadurol, Amgueddfa Cymru

14 Tachwedd 2023 | munud i ddarllen

The Beauty of Imperfection

In a world where tears for shattered dreams do fall,  
Broken thoughts and things, they haunt us all.  
Yet within each fracture, hope’s ember starts to burn,  
Beauty in imperfection, a lesson we must learn.

Imagine frozen moments, stories caught in a frame,  
Greek script and love’s essence, not just a mere claim.  
In pixels and verses, emotions softly lace,  
A Mother’s love torn, a timeless embrace.

Now envision the remnants of castles once grand,  
Their missing glaze, a masterpiece unplanned.  
Cut edges gleam with life’s wisdom worn,  
Like unfiltered moments, where authenticity is born.

In this fabric of existence, we seek what’s true,  
Genuine souls and moments, a precious view.  
Within these life’s fragments, stories unwind,  
Revealing the beauty of imperfections, one of a kind.

So, within life’s rich tapestry, these tales reside,  
Of brokenness and beauty, hearts open wide.  
Through trials and tears, our spirits start to glow,  
In the fragments of existence, our true selves begin to show.

Toredig ond prydferth

Mae atyniad rhyfedd i amherffeithrwydd, fel gwrthrych sydd wedi torri ond o’i drwsio â lacr aur, daw’n fwy gwerthfawr na’r gwreiddiol. Mae’r syniad hwn yn deyrnged i wytnwch a’r gallu i ganfod harddwch yng nghanol heriau.

Byddwn ni’n aml yn esgeuluso a thaflu gwrthrychau sydd wedi torri. Anaml fyddwn ni’n ystyried eu prydferthwch.  

Wrth ddadorchuddio’r hen gasgliad cerameg a gladdwyd danddaear, dyma ni’n ailddarganfod amrywiaeth diddorol o eitemau. Mae rhai wedi’u crefftio’n gain ac eraill yn dwyn creithiau amser, fel y gwelir gyda’r tri darn o grochenwaith sydd wedi’u difrodi yng nghanol y darnau gwyn. Yr hyn sy’n gwneud y cloddiad hwn hyd yn oed yn fwy diddorol yw ei natur barhaus. Cymerwch eiliad i edrych ar y darnau llachar, lliwgar sy’n addurno’r darnau gwyn. Nid gweddillion o’r ddaear yw’r darnau hudolus hyn ond gwrthrychau toredig a ganfuwyd mewn mannau eraill. Mae’r tri darn amlwg ym mlaen y casgliad yn disgrifio eu proses cloddio. Mae’r darnau gwyn sy’n cynrychioli’r ddaear a’r gwrthrych cyfagos amlycaf yn sefyll mewn cyferbyniad â nhw.

Darn o grochenwaith gyda motiff o anifail y tu mewn i gylch, gyda siâp bachyn yn ymestyn allan o'r cylch ar gornel y deilsen.


Mae’r deilsen hon yn dod o Abaty Tyndyrn yn Sir Fynwy. Roedd yn rhodd i Amgueddfa Cymru gan John Ward, y Ceidwad Archaeoleg, sy’n debygol o fod wedi’i thynnu o’i lleoliad ddechrau’r 20fed ganrif. Mae’r deilsen yn enghraifft o waith Ysgol Wessex, grŵp o arteffactau y mae eu patrwm dosbarthu yn cyfateb i ranbarth Wessex neu ran ohono. Ymyl doredig y teils wnaeth ddal fy sylw i am ei fod yn darlunio amlinell llew rhygyngog hynafol gyda fleur-de-lys mewn cylch yn ei ffurf grai.

Darn o grochenwaith gyda chynlluniau unlliw haniaethol a'r arysgrif '37'.


Daw’r llestr hwn o Dŷ Dwnrhefn, maenordy canoloesol ym Mro Morgannwg a ehangwyd dros amser nes iddo gael ei ddymchwel yn y 1960au. Cyfeirir ato yn aml hefyd fel Castell Dwnrhefn. Mae’r un ardal yn gartref i’r cadarnle canoloesol sydd bellach yn eiddo preifat, Castell Benton. Yn y 1930au, cyfrannodd perchennog blaenorol y castell dros 200 darn o grochenwaith canoloesol ac ôl-ganoloesol at gasgliad Amgueddfa Cymru. Mae’r llestr o grochenwaith slip arddull Swydd Stafford, gydag arwyneb cribog, siâp petryal o bosibl, ac ymylon crwst pastai gloyw. Pan welais i hon gyntaf, meddyliais ar unwaith am gacennau marmor, gan feddwl tybed a oedd cacennau marmor heddiw wedi’u hysbrydoli gan rywbeth tebyg.

Bag plastig tryloyw wedi'i selio sy'n cynnwys darn o grochenwaith, gyda label er mwyn ei adnabod.


Dyma hefyd ddarn teilchion o botyn planhigyn a allai fod heb wydriad yn fwriadol. Mae’n ddarn o grochenwaith slip Ewenni heb y gwydredd. Mae’r patrwm a grëwyd yn debyg i strôc brwsh syml. Dwi’n dwlu ar pa mor ddi-broses yw'r ôl-gynhyrchu a’r gwaith brws.

Gan droi at y prif wrthrych: llestr priddwaith gydag arwyneb hufen matte, cylch troed crwn, ymylon crwm, ac addurn print troslgwyddo. Mae Torn in Two gan Antonia Splini yn cynnwys llun wedi’i rwygo o fenyw yn dal babi gyda thestun Groegaidd o lythyr anhysbys. Er nad yw’r llun wedi chwalu mae’n cyfleu llawer am y cwlwm rhwng mam a’i phlentyn. Mae’r testun ar y llun fel petai wedi’i rwygo ar wahân, ac mae’n ymddangos ei fod ynghlwm â hen ffotograff o’r ddau ohonyn nhw. I mi, mae hyn yn edrych fel neges gan y plentyn at y fam.

Seiniau cerameg

Ym mis Ebrill 2023, cynhaliodd grŵp Bloedd Amgueddfa Cymru weithdy o’r enw Siarad Potiau, gan arbrofi â synau cerameg. Doeddwn i ddim yn gallu bod yno yn anffodus, ond roedd yn deffro atgofion plentyndod a faint o hwyl oedd chwarae gyda gwrthrychau a gwneud synau doniol gyda nhw. Roedd hefyd yn ennyn atgofion o’r ysgol a sut y bydden ni’n gwneud synau yn ystod amser cinio gyda'n beiros yn taro ar y ddesg. Cefais i fy ysbrydoli gan y syniad hwn i arbrofi â gwneud synau gyda gwrthrychau cerameg wrth ddewis yr eitemau ar gyfer fy arddangosfa project olaf yn Amgueddfa Genedlaethol Caerdydd. I greu seinlun, dyma fi’n taro’n ysgafn wrthrychau fel y darnau o Nantgarw, y fas borslen gyda dolenni eryr o grochendy Abertawe, a daliwr chwe chwpan wy Crochendy Morgannwg Abertawe gyda beiro a bysedd tra roedd yn gorffwys ar wahanol seiliau o wydr a phren. Rhwng fy nwylo dechreuodd amrywiol seiniau ymddangos.

Felly, profwch hud y sain! Yn y recordiad hwn, rydyn ni’n archwilio nodweddion cerameg trwy bŵer sain. Caewch eich llygaid, tiwniwch i mewn ac ymgollwch yn alawon gwybodaeth a chreadigrwydd.

Ydych chi erioed wedi meddwl sut beth yw bywyd intern yn Amgueddfa Cymru?

Ar hyn o bryd rwy’n astudio fy MA mewn Curadu yn UWE (Prifysgol Gorllewin Lloegr) Bryste, ac ym mis Chwefror 2023 dechreuais ar leoliad yn Amgueddfa Genedlaethol Caerdydd. Mae’r cyfle hwn wedi gwireddu breuddwyd i mi. Y llynedd, doeddwn i ddim yn siŵr a fyddai’r lleoliad yn digwydd, ond roeddwn i’n dal eisiau bod yn rhan o Amgueddfa Genedlaethol Caerdydd, a nawr dyma fi, yn cyflwyno fy mhroject terfynol.

Un o elfennau curadu amgueddfeydd sydd wedi fy swyno erioed yw harddwch gwrthrychau sydd wedi torri. Mae’n her weithiau bod yn dyst i rywbeth toredig, ond mae’r eiliadau bregus hyn hefyd yn dangos ein gwytnwch a’n cryfder, yn debyg iawn i’r gwrthrychau y dewisais eu harddangos ar gyfer fy mhroject terfynol yn un o’r casys yn yr Amgueddfa. Er eu bod wedi torri, mae harddwch unigryw a swynol yn tasgu ohonynt.

Drwy gydol fy nhaith guradu, rydw i wedi pendroni pam fy mod yn cael fy nenu gymaint at yr arteffactau hyn sydd wedi’u difrodi a pha fathau o straeon maen nhw’n eu mynegi. Mae'n fel petai pob crac a thoriad yn cuddio stori sy’n aros i gael ei datgelu. Er gwaetha’u gwendidau mae’r arteffactau hyn yn fy atgoffa o ddycnwch cymeriad dyn. Croniclau o drawiadau, damnweiniau, neu dreigl amser yn gadael eu marc. Yn debyg iawn i’r profiad dynol, mae pob crac yn cuddio stori am ddycnwch a goroesiad. Mae’r gwrthrychau amherffaith hyn yn adlewyrchiad o’n taith anodd ein hunain drwy fywyd, ac yn siarad â mi fel symbolau o hynny. Maen nhw’n fwy nag arteffactau hanesyddol; maen nhw’n storïwyr, yn adrodd hanesion yr unigolion a greodd ac a ddefnyddiodd y pethau hyn a’u trysori. Caiff fy mrwdfrydedd dros guradu ei danio gan yr elfen storïol gynhenid hon, gan fy sbarduno i fod eisiau adrodd y straeon gafaelgar hyn i gynifer o bobl â phosibl.  

Drwy gydol fy lleoliad gwaith, rydw i wedi cael y fraint o ddysgu myrdd o bethau newydd sydd wedi ehangu fy ngorwelion y tu hwnt i bob dychymyg. Mae’r profiad wedi bod yn weddnewidiol, gan roi dealltwriaeth a gwybodaeth newydd i mi.

Yn olaf, hoffwn fynegi diolch o galon i fy mentoriaid, Jennifer Dudley ac Andrew Renton, y mae eu harweiniad a’u cefnogaeth wedi bod yn amhrisiadwy ar fy nhaith yn Amgueddfa Genedlaethol Caerdydd. I’w harbenigedd a’u mentoriaeth nhw mae’r diolch mawr am fy nghynnydd drwy gydol yr interniaeth.

Gyda’r wybodaeth a’r ddealltwriaeth rydw i wedi’u meithrin hyd yma, rydw i’n eiddgar i ddysgu mwy am guradu. Rydw edrych ymlaen at gam nesaf fy nhaith academaidd yn mynd nesaf, oherwydd mae’r lleoliad hwn wedi bod yn bennod allweddol.

Ffotograff o berson mewn gwisg coch ger grisiau adeilad mawreddog gyda cholofnau a baneri coch, o dan awyr glir.
Dau berson sy'n trefnu casyn amgueddfa gwydr gydag amrywiaeth o wrthrychau cerameg.
Menyw yn trefnu gwrthrychau cerameg sydd wedi'u torri mewn casyn amgueddfa gwydr.
Manylun o gasgliad o ddarnau o grochenwaith addurnedig mewn cas arddangos mewn amgueddfa, gyda label oddi tano.

Share

More like this

Clogfaen Pren 1978-2015
Amgueddfa ac Oriel Gelf Casnewydd
Stiwdio gyda Menyg yn Storiel, gweld casgliad y Llyfrgell mewn Gofod Newydd
Phoebe Murray-Hobbs, Swyddog Benthyciadau Cymunedol, Llyfrgell Genedlaethol Cymru
Tirnodau Personol
Michal Iwanowski
Celf Mewn Ysbytai: Bwrdd Iechyd Addysgu Powys
Sara Treble-Parry, Steph Roberts a Siân Lile-Pastore
Lan yr Afon
Julian McKenny
Morlun Bach
Lucy Purrington
Thyrza Anne Leyshon: Eicon y Portreadau Miniatur o Gymru
Imogen Tingey, Cynorthwyydd Arddangosfeydd, Oriel Gelf Glynn Vivian
Dylunio GIFs Cymraeg
Sioned Young, Mwydro
Artcadia
Barbara Bartl, Rheolwr yr Amgueddfa ac Oriel Gelf, Amgueddfa ac Oriel Gelf Casnewydd
Cerdded Adref
Dagmar Bennett
Teulu Wakelin: chwarter canrif o gefnogaeth i artistiaid cyfoes
Andrea Powell, Cynorthwyydd Arddangosfeydd, Oriel Gelf Glynn Vivian
Helen Sear (g.1955)
Mari Griffith
David Nash (g.1945)
Mari Griffith
Rhyfel Mawr Glo Cymru
Maddie Webb, Curadur Gweithiau ar Bapur, Amgueddfa Cymru
Ymdeimlad o Le
Jon Pountney
Toriad
Ffin Jordão
Cadwraeth Paentiadau George Poole
Sarah Bayliss, Uwch Gadwraethwr Paentiadau, Amgueddfa Cymru
Frank Auerbach: Pen E.O.W
James Milne, Technegydd CELF, Ffotograffiaeth gan Rhian Israel, CELF
Ymson ar draeth
Iestyn Tyne
Tyrrau Mawr ar grwydr i Lanbedrog
Gwyn Jones, Alex Boyd Jones, Zoe Lewthwaite, Plas Glyn-y-Weddw
Gweithio gydag artist
Rhian Israel, Swyddog Ffotograffiaeth, CELF
Llwybr Tref Gŵyl Grefft
Rachel Vater, Cynorthwyydd Yr Oriel, Oriel Myrddin
Panopticon
Tina Rogers
Y Cyffredin
Ayesha Khan
Mapiau, celf, a dadgoloneiddio
Ellie King, Curadur Cynorthwyol Mapiau, Llyfrgell Genedlaethol Cymru
Dadgoloneiddio’r Casgliad Celf Cenedlaethol
Morfudd Bevan, Curadur Celf, Llyfrgell Genedlaethol Cymru
Delfryd a Diwydiant: Curadu'r arddangosfa yn Llyfrgell Genedlaethol Cymru
Mari Elin Jones, Swyddog Dehongli, Llyfrgell Genedlaethol Cymru
Dan ddŵr sy'n llifo
Geraint Ross Evans
Golygfa Ddyrchafedig
Geraint Ross Evans
'Arhoswch adre'
Gwynfor Dafydd
Cardiau Post Protest
Osian Grifford
David Garner: Wylo
Nicholas Thornton a Ceri Jones, Amgueddfa Cymru
Storiel: Comisiynau Artistiaid
Esther Elin Roberts, Swyddog Celf Gweledol, Storiel
Collage Fabrig Scrap
Ella Louise Jones
Teulu
Ffion Rhys, Curadur, Canolfan y Celfyddydau Aberystwyth
Arddangosfa Teulu, Canolfan y Celfyddydau Aberystwyth
Ffion Rhys, Curadur ac Elin Vaughan Crowley, Artist - Canolfan y Celfyddydau Aberystwyth
Oriel Myrddin: Comisiynau Artistiaid
Rachel Vater, Oriel Myrddin
Arnofio
Arddun Rhiannon
Geng Xue (g.1983)
Mari Griffith
Cerddi newydd gan ddisgyblion Cymru
Sean Kenny, Uwch Swyddog Addysg, Amgueddfa Cymru
Dhruva Mistry: O’r astudiaeth i’r cerflunwaith
Carys Tudor, Curadur Digidol: Celf, Amgueddfa Cymru
Tu ôl i'r llen: Cadwraeth
Sarah Bayliss a Kitty Caiden, Amgueddfa Cymru
Darn Canol Bwrdd Con Brio: Comisiwn Ymddiriedolaeth P&O Makower
Andrew Renton, Pennaeth Casgliadau Dylunio, Amgueddfa Cymru
Arddangosfa Cyfoes: Llyfrgell Genedlaethol Cymru
Morfudd Bevan a Nia Dafydd, Llyfrgell Genedlaethol Cymru
Yr Eda
Llio Maddocks
Cymharu dau artist: John Selway a Denys Short
Nicholas Thornton, Pennaeth Celf Gain a Chelf Gyfoes, Amgueddfa Cymru
Caffaeliad newydd: Pulped Fiction gan David Shrigley
Carys Tudor, Curadur Digidol: Celf, Amgueddfa Cymru
Cerflunwaith Prydeinig Newydd yr wythdegau
Jennifer Dudley, Curadur Rheoli Casgliadau Celf a Hygyrchedd, Amgueddfa Cymru
Five Minutes
Mari Ellis Dunning
Swyn I
Efa Lois
Gesiye (g. 1992)
Mari Griffith
Eich Map Chi o’r Byd
Michal Iwanowski
Tirlun Anhysbys
Evie Banks
Crogdlws
Lydia Niziblian
Calon yn Deilchion
Tanyaradzwa Chiganze
Beth sy’n bosib ei wneud mewn oriel?
Sean Kenny, Uwch Swyddog Addysg, Amgueddfa Cymru
Dwylo ar Dreftadaeth: Codi’r Llen ar Gaffael
Neil Lebeter ac Umulkhayr Mohamed
Rheolau Celf? Sgwrs gyda’r artist Caroline Walker
Carys Tudor, Curadur Digidol: Celf, Amgueddfa Cymru
Siarad â Phlant am Gelf
Sian Lile Pastore
Pêl-Droed Cymru a Byd Celf
Sean Kenny, Uwch Swyddog Addysg, Amgueddfa Cymru
Rheolau Celf?
Neil Lebeter