Mae David Nash: Doethineb Natur yn dwyn ynghyd dros drigain mlynedd o gerfluniau, printiau, lluniadau a ffilmiau Nash mewn arddangosfa epig i ddathlu ei bedwar ugain mlynedd.
David Nash: Doethineb Natur, Canolfan Grefft Rhuthun, Ffotograffiaeth gan Dewi Tannatt Lloyd
David Nash: Doethineb Natur, Canolfan Grefft Rhuthun, Ffotograffiaeth gan Dewi Tannatt Lloyd
David Nash: Doethineb Natur, Canolfan Grefft Rhuthun, Ffotograffiaeth gan Dewi Tannatt Lloyd
Yn gerflunydd rhyngwladol enwog mae David Nash wedi bod yn byw ac yn gweithio ym Mlaenau Ffestiniog ers 1967. Mae’n adnabyddus am ei waith mewn pren, gan ddefnyddio coed sydd wedi cwympo'n naturiol neu y bu'n rhaid eu torri i lawr am resymau diogelwch, clefyd neu oedran yn unig. Mae'n gwneud gwaith o'r pren gwyrdd, gan gerfio ac ar adegau golosgi darnau. Mae Nash yn defnyddio’r goeden gyfan, gan chwarelu syniadau yn ogystal â'r deunydd i arbed unrhyw wastraff. Mae motiffau cyffredin yn cynnwys colofnau, badau, croesau, wyau, a'r soledau platonaidd – y sffêr, ciwb a phyramid.
David Nash: Doethineb Natur, Canolfan Grefft Rhuthun, Ffotograffiaeth gan Dewi Tannatt Lloyd
David Nash: Doethineb Natur, Canolfan Grefft Rhuthun, Ffotograffiaeth gan Dewi Tannatt Lloyd
Yn fyfyriwr natur, mae Nash yn gadael i brosesau naturiol arwain ei syniadaeth – gan ddechrau gweithiau y mae natur yn eu cwblhau neu'n cydymffurfio yn eu cread. Er enghraifft, cafodd y Crack and Warp Column ei gerfio pan oedd y pren yn wyrdd ac yna'n cael ei adael i’r broses sychu naturiol greu'r siapiau a'r cromliniau terfynol.
Mae'r cerflun mawr o risgl derwen gorc Cork Spire ar ddangos ynghyd â cerfluniau eraill yn ein cwrt.
Wedi’i churadu gan Gregory Parsons, mae'r arddangosfa hon yn dathlu ac yn bwrw golwg ar waith David Nash hyd yma ac yn cyflwyno cenhedlaeth newydd i'r cyfraniad pwysig hwn i ddiwylliant.
Gellir gweld David Nash: Doethineb Natur yng Nghanolfan Grefft Rhuthun o 27 Medi 2025 tan 11 Ionawr 2026. Am ragor o wybodaeth, ewch i wefan Canolfan Grefft Rhuthun.
