Ganwyd Glyn Morgan ym Mhontypridd ym 1926. Mae’r paentiad hwn yn dangos y bryniau a’r awyr drawiadol sy’n amgylchynu Porth o safbwynt uchel uwchben y dref. Yn wahanol i artistiaid eraill oedd yn canolbwyntio ar realaeth galed y cymoedd diwydiannol, mae Morgan yn defnyddio gwaith brwsh mynegiannol a lliwiau dwysach i annog safbwynt gwahanol ar dirwedd yr oedd yn ei adnabod ers ei blentyndod.