Mewn llythyr at Amgueddfa Cymru ym 1975, disgrifiodd Josef Herman y gwaith hwn fel un o’i weithiau pwysicaf o’r cyfnod. Fe'i paentiodd yn Glasgow ar ôl cyrraedd o Wlad Pwyl wedi iddo ffoi rhag erledigaeth y Natsïaid ar ddiwedd y tridegau. O ystyried y trawma annirnadwy yr oedd poblogaeth Iddewig Ewrop yn ei brofi ar yr adeg y paentiwyd y gwaith, mae arwyddocâd aruthrol i destun y gwaith.