Dechreuodd y gwaith hwn fel darlun a wnaethpwyd yn eglwys Meudon ac fe’i datblygwyd yn ddiweddarach yn y stiwdio. Byddai Gwen John yn eistedd yng nghefn yr eglwys yn braslunio ei chyd-blwyfolion. O ganlyniad mae llawer o’r gweithiau niferus hyn o’r 1910au i’r 1920au yn dangos ffigurau o’r tu ôl neu o’r ochr. Nid astudiaethau ar gyfer paentiadau olew yw’r rhain, ond gweithiau gorffenedig ynddyn nhw eu hunain.