Ym 1756 aeth Dr Pococke, Esgob Meath ar ymweliad â Gweithdy japanwaith y teulu Allgood ym Mhont-y-pwl. Nododd eu bod yn cynhyrchu hambyrddau, canwyllbrennau a nifer o eitemau eraill, i gyd wedi'u haddurno yn null Japan. Cafodd Dr Pococke arddeall taw gyda deilen arian y cynhyrchwyd y darnau golau o'r addurn trilliw ffug hwn. Roeddent yn eu haddurno â thirluniau Tsieineaidd a ffigyrau mewn aur yn unig, ac nid yn defnyddio lliw fel yn Birmingham. Ym marn yr esgob, roedd y gwaith yn llawer gwell na gwaith Birmingham, ond hefyd yn llawer drytach - gan taw dim ond dau frawd a'u plant oedd yn cynhyrchu ac iddynt gadw'r gyfrinach. Byddent hefyd yn addurno blychau copr, neu unrhyw beth o gopr na allai gael ei wneud yn hwylus mewn haearn, yn null Japan.