Mae corff dynol difywyd yn ymddangos o ddyfroedd bas y traeth. Bydd Weschke yn aml yn portreadu pobl ar goll mewn tirwedd ddiffaith, mewn brwydr arswydus i oroesi. Mae’r portread tywyll hwn o ddynoliaeth yn adleisio gwaith Francis Bacon. Cyfarfu’r ddau am y tro cyntaf yn St Ives, Cernyw ym 1959. Gwasanaethodd Weschke yn y Luftwaffe yn ystod yr Ail Ryfel Byd. Daeth i Brydaint ym 1945 fel Carcharor Rhyfel a oedd yn dioddef o effeithiau erchyllterau’r rhyfel, cyn ennill lle mewn coleg celf maes o law.