Ganed yr arlunydd ger Abertawe a bu'n astudio yn yr ysgol gelfyddyd leol a'r Coleg Brenhinol. Mae'r cyfansoddiad haniaethol hwn ar y ffin rhwng peintio a cherflunio a daw o'r flwyddyn y trefnodd Grŵp Swrealaidd Prydain yr Arddangosfa Swrealaidd Ryngwladol yn Llundain. Mae'n deyrnged i Picasso ac Arp, ac yn dadansoddi'r berthynas rhwng y golau a'r tywyll, ffurf a gwagle mewn ffordd debyg i gerfweddau cyfoes Ben Nicholson a cherfiadau Henry Moore.