Ganwyd Peter Prendergast ger Caerffili, a chafodd ei swyno gan fynyddoedd y gogledd.

Mae ei arddull fynegiadol yn llawn egni ac awch, ac yn gyfrwng perffaith i bortreadu’r clogwyni geirwon a ffurfiwyd gan flynyddoedd o gloddio llechi.

Mae’r brasluniau hyn ar gyfer Blaenau Ffestiniog yn dangos sut oedd Prendergast yn adeiladu lliwiau a llinellau i ddal y dirwedd atmosfferig.

Cafodd y gwaith gorffenedig ei bleidleisio fel un o weithiau mwyaf poblogaidd ein casgliad fel rhan o ymgyrch 100 Celf ar Instagram (@celfarycyd) yn 2020.