Mae gwaith Mike Perry yn mynd i’r afael â’r argyfwng amgylcheddol sy’n digwydd ar garreg ein drws ein hunain. Mae Mike, sy’n byw yn y gorllewin, wedi bod yn herio mytholeg ramantus parciau cenedlaethol fel ardaloedd o fywyd gwyllt a harddwch naturiol ers dechrau’r mileniwm. Mae’r gwaith hwn yn amlygu ymlediad y rhywogaeth hon ar draws tirweddau arfordirol Sir Benfro o ganlyniad i arferion ffermio anghynaladwy a phori parhaus gan ddefaid. Mae'r cyfansoddiad minimalaidd a haniaethol, lle mae'r llystyfiant gwyrdd yn eistedd yn erbyn cefnlen o awyr niwtral a difflach, yn creu cydadwaith rhwng ffurf a naratif.