Mae Magdalene Odundo yn cael ei hysbrydoli gan rôl ddefodol ac ysbrydol serameg mewn rhai diwylliannau Affricanaidd, fel cymdeithas Ga’anda yn Nigeria lle gall llestri “fod yn ymgorfforiadau a allai ganiatáu ar gyfer ymyrraeth neu ryddhad ysbrydol.” Drwy ychwanegu lwmp bach fel bogail ar wyneb y llestr, mae’n ymddangos fel pe bai’n cyfeirio at gorff beichiog menyw, a all ynddo’i hunan fod yn llestr neu’n gynhwysydd, gan addo bywyd newydd a phŵer iachâd. Mae llestri Odundo hefyd yn dangos ei chariad tuag at ddawns, gan geisio cydbwysedd rhwng llonyddwch a symudiad. Yn ei geiriau hi, mae potiau fel hyn “ar flaenau eu traed ac wedi oedi am ennyd.”