Mae’r gwaith hwn yn nodweddiadol o waith Ifor Davies yng nghanol y 1950au pan fu’n arbrofi gyda phaentiadau haniaethol gan ddefnyddio deunyddiau anghonfensiynol wedi’u gweithio’n helaeth. Mae’r ffurfiau tywyll amlwg wedi’u gwneud o bowdr siarcol wedi’i gymysgu â glud, ac maen nhw’n fersiynau mwy o ‘fraslun’ o smotiau neu flotiau inc Indiaidd – gan gyflwyno themâu yr isymwybod a swrealaeth. Fel y noda’r teitl, Eryr, mae’r ffurf ar yr ochr dde yn ymdebygu i aderyn.