Yn y Tirlun gyda Ffigwr yn ei Eistedd mae pen y gwrthrych wedi’i guddio â chroes goch – cyfeiriad o bosib at yr hunansensoriaeth y gorfodwyd yr artist Keith Vaughan i’w defnyddio yn ei fywyd ei hunan. Ar yr adeg hon, mae cofnodion ei ddyddlyfr yn datgelu ei ddicter a'i frwydr gydag anghyfiawnder bod yn ddyn hoyw yn byw ar adeg pan oedd perthnasoedd o'r un rhyw rhwng dynion yn drosedd. Mae Vaughan bellach yn adnabyddus am ei baentiadau o gyrff gwrywaidd noeth sy'n eistedd rhwng yr haniaethol a'r ffigurol – sy'n diweddaru neu'n cwiyreiddio’n bwerus y pwnc heteronormadol am yr ymdrochwr yng nghelf y Gorllewin.