Mae natur a’r byd o’n cwmpas wedi ysbrydoli cenedlaethau o artistiaid dros y canrifoedd. Ers y 17eg Ganrif mae tirluniau wedi bod yn thema hynod boblogaidd yn y byd celf, yn ein cysylltu â lleoliad penodol, a chreu ymdeimlad o gartref neu gynefin.

Wrth i’r byd o’n cwmpas newid mae celf gyfoes yn aml wedi rhoi llais i faterion amgylcheddol. Adrodd hanes heddiw fydd artistiaid, a chynnig naratif i’n profiadau. Felly sut mae celf yn codi ymwybyddiaeth o’r peryglon sy’n wynebu’r blaned? All celf ein gorfodi i ailfeddwl sut ydyn ni’n ei thrin hi?

Mae’r detholiad o weithiau celf isod yn edrych ar effaith pobl ar ein byd, a’r ffyrdd y mae artistiaid cyfoes wedi ymateb i natur a’r amgylchfyd.