Mae gan bawb ei hunaniaeth ei hun. Y traddodiadau fyddwn ni’n eu dathlu, y cymunedau rydyn ni’n rhan ohonyn nhw, ein hiaith, ein cartref a’n magwraeth – gall unrhyw beth siapio pwy ydyn ni a’n hunaniaeth. Rydyn ni hefyd yn cael ein tynnu at fywyd cymdeithasol, at gymuned, at y bobl o’n cwmpas. 

 Mae pawb hefyd yn unigryw – mae gennym farn, syniadau a phrofiadau gwahanol. Felly beth yw’r gwahaniaeth rhwng ein profiad personol a thorfol o hunaniaeth? A sut allwn ni ddathlu’r hyn sy’n ein gwneud yn wahanol?
 

Mae’r detholiad celf isod yn dangos sut mae artistiaid yn portreadu pobl, cymdeithas a hunaniaeth, a sut mae’r digwyddiadau o’n cwmpas yn siapio’n cymunedau.