Yn y ffilm hon, mae ffigwr mewn ffrog goch yn cerdded mewn cylchoedd o amgylch coed ffawydd sydd wedi’u rhifo’n barod i’w torri. Mae’r ffilm yn neidio yn ôl ac ymlaen rhwng tirlun newidiol y goedwig mewn rhythm cyson, hypnotig. Mae’r rhifau sydd wedi’u paentio ar y coed yn nodi fod y goedwig yn fan gwaith, sy’n cyferbynnu â naws hudol y dirwedd. Lluniau llonydd o waith celf fideo yw’r rhain. Caiff ffilmiau celf eu creu gyda gofod neu brofiad penodol mewn golwg. Oherwydd hyn, ac oherwydd rhesymau hawlfraint, ni allwn ddangos y gwaith llawn ar-lein.