Ganwyd a magwyd Wilson ym Mhenegoes lle'r oedd ei dad yn rheithor, felly mae'n debygol y byddai wedi peintio golygfa o'r ardal. Mae'r label ar y cefn yn datgan bod yr arlunydd wedi cyflwyno'r peintiad i'w ffrind Paul Sandby ym 1758, blwyddyn wedi i Wilson ddychwelyd o'r Eidal. Ond mae'r arddull naìf o beintio a phresenoldeb cyfansoddiad cynharach dan y llun o ddyn yn trywanu llew, sydd fel arall yn anhysbys yng ngwaith Wilson, yn ei gwneud yn anodd derbyn mai ganddo ef y mae'r llun.