Rhestr Deunyddiau
● Cynfas, bwrdd cynfas neu bapur trwchus ar gyfer paentio
● Set o frwshys o wahanol feintiau (mawr i fach)
● Clwt neu liain i sychu eich brwsh
● Jwg o ddŵr i olchi eich brwshys
● Paentiau acrylig (lliwiau a awgrymir):
- o Glas Prwsiaidd neu Las Phthalo
o Coch Vermilion
o Crimson
o Ocr Melyn a Ocr Coch
o Glas Cobalt o Gwyn
● Delwedd i weithio ohoni (ffotograff neu ddelwedd brintiedig)
Cyfarwyddiadau Cam-wrth-Gam
1. Paratoi’r Arwyneb
Efallai yr hoffech roi haen danliw (undercolour) ar eich cynfas yn gyntaf. Mae tôn gynnes fel oren neu goch yn gweithio’n hyfryd i roi bywiogrwydd i liwiau’r croen. Os yw’n well gennych, gallwch ddechrau gweithio ar arwyneb gwyn hefyd.
2. Blocïo’r Ardaloedd Tywyll
Cymerwch eich brwsh mwyaf. Gwasgwch eich llygaid ychydig wrth edrych ar eich delwedd gyfeirio fel bod y manylion yn pylu a’ch bod yn gweld prif siapiau golau a thywyll yn unig. Gan ddefnyddio un o’ch lliwiau tywyllaf, blocïwch yr holl ardaloedd tywyll y gallwch eu gweld. Bydd hyn yn creu sylfaen gadarn ac yn rhoi strwythur i’r portread o’r dechrau.
3. Ychwanegu Tonnau Canol
Nesaf, cymysgwch donnau canol a’u blocïo yn yr un ffordd. Ar y cam hwn, canolbwyntiwch ar adeiladu ardaloedd o liw a thôn i greu strwythur yr wyneb. Gallwch ddilyn cyfeiriad planau’r wyneb gyda’ch strôc brwsh i helpu ffurfio’r nodweddion. Edrychwch yn ofalus ar eich delwedd gyfeirio a gwnewch addasiadau yn ôl yr angen.
4. Cyflwyno’r Ardaloedd Golau
Pan fydd eich tywyllion a’ch tonnau canol yn eu lle, dechreuwch ychwanegu tonnau golau. Dechreuwch ddefnyddio brwshys llai wrth symud ymlaen:
● Brwsh mawr = marciau eang;
● Brwsh bach = mwy o fanylion
Cofiwch fod portread mynegiannol yn defnyddio amrywiaeth o farciau, nid manylion bach yn unig.
5. Sylwi ar Siapiau, Nid Symbolau
Rydym yn aml yn tybio ein bod yn gwybod sut mae llygad neu drwyn yn edrych. Yn lle paentio’r hyn rydych yn meddwl eich bod yn ei weld:
• Canolbwyntiwch ar siapiau golau a thywyll
• Sylwch ar y bylchau rhwng y nodweddion
• Torrwch bopeth i lawr yn siapiau haniaethol
Bydd hyn yn rhoi portread mwy cywir a mynegiannol i chi.
6. Mireinio ac Ychwanegu Manylion
• Ychwanegu manylion manwl
• Cryfhau’r nodweddion
• Ychwanegu uchafbwyntiau
Camwch yn ôl yn rheolaidd i weld sut mae’ch portread yn datblygu.
Awgrymiadau Terfynol
• Byddwch yn chwareus gyda lliw.
• Astudiwch sut mae’r golau’n disgyn ar yr wyneb.
• Treuliwch fwy o amser yn edrych nag yn paentio.
• Cymerwch saib a chamwch yn ôl yn aml.
• Po fwyaf y byddwch yn ymarfer, y gorau fydd eich portreadau.
Yn bwysicaf oll — mwynhewch y broses! 🎨
