Perfformiad Nash
Ar 19 Hydref 2025 cafodd y cyhoedd eu gwahodd i Ganolfan Grefft Rhuthun ar gyfer diwrnod arbrofol lle cyfunwyd celf, cerddoriaeth a dawns.
Cafodd y cerddorion Aneirin Jones a Patrick Rimes a’r ddawnswraig a choreograffydd Angharad Harrop eu gwahodd i ymateb i arddangosfa David Nash: Doethineb Natur. Dros y diwrnod crewyd a chasglwyd ymadroddion cerddorol a symudiadau wedi’u hysbrydoli gan Nash. Yna perfformiodd y cwmni'r gwaith arbrofol newydd mewn digwyddiad am 4yp.
Cafodd yr holl ddigwyddiad ei ffilmio gan Meinir Siecyn o Snapyn TV
Mae Jones a Rimes yn adnabyddus am eu gwaith gyda Vrï https://www.vri.cymru
Roedd Angharad Harrop yn arfer gweithio gyda Chywaith Dawns / Dance Collective Cymru ond ers hynny wedi cael ei phenodi fel Swyddog Dawns i Gyngor Celfyddydau Cymru.
Rhoddwyd gwahoddiad i'r cyhoedd glywed, tynnu lluniau a ffotograffio'r digwyddiad.
Roedd dros 50 o bobl gyda ni yn y digwyddiad a mwy yn ymweld drwy'r dydd.
Adborth a dderbynwyd:
'Syfrdanol – emyn i ysbryd y coed!' 'Fe wnes i garu’r gerddoriaeth, y ddawns a'r arddangosfa. Dwi wedi gweld yr arddangosfa ddwywaith o'r blaen, ond roedd hyn yn rhywbeth arall!' 'Anhygoel – cymysgedd gwych o ieithoedd Cymraeg a Saesneg, celfyddydau cyfryngau cymysg a pherfformiad celfyddydol. Mae sioeau ar y promenâd yn rhyngwaith gwych rhwng artistiaid a'u cynulleidfa. ‘Rhyfeddol o'r dechrau i'r diwedd. Roeddwn yma'r trwy’r dydd ac wedi gwylio'r ymarferion/cyfansoddiad hynod ddiddorol. Hefyd, roedd yn berfformiad eithaf dewr o ran y gallai popeth fynd o'i le. Diddorol gweld dehongliad gwaith David Nash - byddai gweld dehongliad gwaith arall hefyd yn ddiddorol.’ ‘Yn wirioneddol anhygoel – roeddwn wrth fy modd!’ ‘Hudolus. Roedd y gerddoriaeth ffidil fyw yn teimlo fel pe baent wedi dod o’r llunwaith a’i ddod yn fyw.’ ‘Pob un o'r synhwyrau - am ffordd wych i gyrraedd pobl yn y byd creulon cyfredol hwn.’
Dyma Maria Hayes yn siarad am ddyfeisio Perfformio Nash:
Roedd y cerddorion a'r dawnswyr yn adnabod ei gilydd, ac roeddwn i wedi eu gweld nhw'n gweithio gyda'i gilydd ar brojectau sy'n ymwneud â cherddoriaeth a dawns traddodiadol Cymru. Fe wnes i ddod â nhw at ei gilydd a’u gwahodd i ymateb i'r sioe Nash yn y ffordd fwyaf arloesol a gwreiddiol posib. Rhoddais rywfaint o gefndir i'r gweithiau ond yn bennaf gofynnais iddyn nhw ymateb yn y foment gymaint â phosib. Roedd y canllawiau iddyn nhw yn cynnwys teimlo'r gweithiau, gwrando arnyn nhw ac ymateb yn ôl eu argraffiadau. Canllawiau gafodd cyswllt dwfn gyda nhw.
Wythnos cyn y digwyddiad, fe wnes i, Angharad, Patrick a Meinir gwrdd yn Cae’n Y Coed, tir Nash lle mae’r gwaith sy’n tyfu’n wedi’i leoli. Fe wnaethom ni ychydig o ffilmio yno, a golygodd Meinir hynny i mewn i’r ffilm o’r diwrnod byrfyfyr yn y oriel.
Mae'n cymryd dewrder i sefyll i fyny ac arbrofi yn y foment ac o flaen y cyhoedd, ond mae gan y celfyddydwyr hyn lawer o’r dewrder hwnnw. Roeddent hefyd wrth eu bodd yn gwrando ar ei gilydd ac roedd hynny’n amlwg trwy'r dydd. Roedd eu hegni gwrando gofalus ac ystyriol yn dawnsio gyda gwaith Nash, a gyda'i gilydd fe llwyddon nhw drawsnewid y gofod. Mae hyn yn adlewyrchu sut mae Nash yn gwrando ar bren wrth iddo weithio arno.
Pan mae artistiaid wedi gweithio gyda'i gilydd o'r blaen mae ganddyn nhw ffordd fyr o gyfathrebu wrth berfformio sy'n galluogi iddyn nhw greu rhywbeth o ansawdd mewn diwrnod byr. Roedd gofyn mawr arnyn nhw, ond roedd y digwyddiad yn llwyddiant ysgubol.
Yn ogystal â’r gwaith ar y dydd, mae Patrick wedi rhoi sgôr i ni felly os ydych chi'n gerddor, gallwch ei ddefnyddio. Fe welwch chi nhw isod. Y gobaith yw y bydd y ‘Nash Reel’ yn cael ei ddysgu a gwneud ei ffordd i sesiynau cerddoriaeth draddodiadol Gymreig drwy’r wlad ac ymhellach.
